Մեր Մասին
Ակնարկ
| Ծրագրի անվանումը` | «Եվրոպական միությունը հանուն շրջակա միջավայրի» («ԵՄ-ն հանուն շրջակա միջավայրի») ծրագիր |
| Նպատակը` | To help the six partner countries preserve their natural capital and increase people’s environmental well-being, by supporting environment-related action, demonstrating and unlocking opportunities for greener growth, and setting mechanisms to better manage environmental risks and impacts. |
| Գործընկեր երկրներ` | Հայաստան, Ադրբեջան, Բելառուսիա, Վրաստան, Մոլդովայի Հանրապետություն, Ուկրաինա |
| Իրականացման ժամկետ` | 2019-2024 |
| Բյուջե` | Շուրջ 20 միլիոն եվրո (ԵՄ-ի ներդրում`19.5 մլն. եվրո) |
| Իրականացնող գործընկերներ` | ՏՀԶԿ, ՄԱԿ ԵՏՀ, ՄԱԿ ՇՄԾ, ՄԱԿ ԱԶԿ, Համաշխարհային բանկ |
| Ընդհանուր ղեկավարումը` | Եվրոպական հանձնաժողով: «ԵՄ-ն հանուն շրջակա միջավայրի» ծրագիրն իրականացվում է ԵՄ նախաձեռնության շրջանակում:. |
Բովանդակություն
«ԵՄ-ն հանուն շրջակա միջավայրի» ծրագրի մեկնարկը համընկավ կարևոր քաղաքական իրադարձության` Արևելյան գործընկերության տասնամյակի հետ` Եվրոպական խորհրդարանի ընտրություններից հետո օգնելով առաջ մղել «20 թիրախային արդյունք 2020թ.–ի համար» օրակարգը և ամրապնդել ԵՄ բնապահպանական նպատակների իրագործմանն ուղղված աջակցությունը: Ծրագրի մեկնարկը նաև կապված էր ԱլԳ երկրներում զարգացող ճկուն քաղաքական միջավայրի հետ: Վերջինս ներառում է կարևոր քաղաքական և ինստիտուցիոնալ փոփոխությունները, որ տեղի ունեցան Հայաստանում, Վրաստանում, Մոլդովայում, Ուկրաինայում կառավարությունների վերակազմավորման և (կամ) խորհրդարանական ընտրությունների արդյունքում: «ԵՄ-ն հանուն շրջակա միջավայրի» ծրագրի մեկնարկային փուլը (2019թ. հունվար-հոկտեմբեր) ցույց տվեց, որ Ծրագիրն արդիական էր և խիստ ահրաժեշտ:
Համախմբելով բնապահպանական և տնտեսական ոլորտների դերակատարներին` «ԵՄ-ն հանուն շրջակա միջավայրի» ծրագիրն օգնում է իրականացնել քաղաքականության և օրենսդրական փոփոխություններ` խթանելով «կանաչ» պլանավորումը և ներդրումները, նորարարական տեխնոլոգիաների օգտագործումը, նոր բիզնես մոդելների ընդունումը և «կանաչ» աշխատատեղերի ստեղծումը: Այն նաև խթանում է բնապահպանության ոլորտի, պահպանվող տարածքների և անտառների արդյունավետ պետական կառավարումը, ինչպես նաև կայուն առևտուրը: Ծրագրի տեխնիկական առաջադրանքը սահմանվել է բոլոր գործընկեր երկրների հետ համագործակցության արդյունքում:
Ծրագիրը հիմնված է նախկինում իրականացված համատեղ ծրագրերի կարևոր ձեռքբերումների վրա, այդ թվում` «Կանաչ տնտեսություն Արևելյան. հարևանության տարածաշրջանում»(EaP GREEN), Անտառային օրենսդրության կիրարկում և կառավարում (FLEG), Զմրուխտային ցանց, որոնք իրականացվել են 2017-18թթ.-ին: Այն կապահովի ԵՄ-ի կողմից ֆինանսավորվող այլ ծրագրերի («ԵՄ-ն հանուն կլիմայի», «ԵՄ-ն հանուն բիզնեսի», «ԵՄ-ն հանուն էներգետիկայի», «Աջակցություն ղեկավարման ու կառավարման բարելավմանը» (ՍԻԳՄԱ), ինչպես նաև Եվրոպական միության պատվիրակությունների հետ համագործակցությունը և քաղաքացիական հասարակության ներգրավվածությունը:
Նպատակը և կառուցվածքը
«Եվրոպական միությունը հանուն շրջակա միջավայրի» («ԵՄ-ն հանուն շրջակա միջավայրի») ծրագիրը կենտրոնացած է հետևյալ հինգ թեմատիկ ոլորտների/ առաջադրանքների վրա, որոնք անվանվում են` «Արդյունքներ».- «Կանաչ» տնտեսությանը նպաստող որոշումների կայացում,
- Շրջանաձև տնտեսություն և աճի նոր հնարավորություններ,
- Էկոլոգիական խաղի պայմաններ,
- Էկոհամակարգային ծառայություններ և կենսապահովման միջոցներ,
- Գիտելիքների փոխանակում և համագործակցություն: